استدعى الاب ابنه لغرفته
وما إن رأه امامه
الا وبادر بتوجيه هذا السؤال إليه:-
الاب :- هتعرف يابنى تحافظ على الثروه اللى هتورثها من بعدى .
الابن :- طبعا يا حاج .. تربيتك .
الاب :- يعنى هتعرف تربى الكتاكيت زى ما انا ربيتهم .
الابن :- ( باندفاع وحماسه الشباب ) اكيد يا حاج .
الاب :- طيب هات الكرتونه اللى فيها الكتاكيت دى (سارع الابن باحضار الكرتونه ووقف امام ابيه)
الاب :- اقلب الكرتونه على الارض وورينى ازاى هتقدر تلم فيها الكتاكيت ؛ وبسرعه قلب الابن الكرتونه وما ان رفعها حتى انطلقت الكتاكيت فى ارجاء الغرفه واندفع الابن خلفها يحاول جمعها مره اخرى لكن هيهات هيهات ، وبعد ان ادرك الفشل وقف امام ابيه وقد ارتسمت على وجهه البلاهه والغباء ولم يوقظه الا صفعه قويه من ابيه .
الاب :- شوف يا غبى اللى هتشوفه دلوقتى ده خلاصه 26 سنه فى تربيه الكتاكيت ؛ ثم اخذ الاب الكرتونه (بعد ان جمع فيها الكتاكيت) اخذ يهزها بقوه يميناً ويساراً وسط صراخ متواصل من الكتاكيت ما لبس ان تلاشى وانقطع نتيجه ما اصابها من اعياء .
الاب :- الان فقط نقلب الكرتونه ؛ وما ان رفعها الا وشاهد الابن الكتاكيت لا تحرك ساكنا وذلك مما اصابها من إعياء ودوار ثم قام بتعبئتها فى الكرتونه بمنتهى السهوله واليسر .
الاب :- دلوقتى يا ابنى أنت اتعلمت اهم حاجه فى تربيه الكتاكيت وهى
(اتعبهم يريحوك .. دوخهم يريحوك اكتر ... لكن لو ريحتهم هيتعبوك)
سؤال برىء : يا ترى مين هو الاب .. ومين هو الابن .. ومين هم الكتاكيت ؟
الاجابة/ الأب: اسرائيل وامريكا...... الابن: الغرب القبيح وعلى رأسهم انجلترا ..الكتاكيت العالم العربى والاسلامى
موضوع: يا ترى مين هو الاب .. ومين هو الابن .. ومين هم الكتاكيت 
السبت يوليو 03, 2010 1:28 pm
