درس خصوصى :
ليكم وليا انا كمان وكل واحد هيقول ف رده فلسفته فى الحياه ف كلمتين زى ما يحب لكن المهم نعرف الميدأ واللى ماشى من غيره ممكن ياخده مننا ويمشى بيه نتعلم من بعض ومع بعض ازاى نعيش كل يوم بفكر وقلب جديد ف جديد
فلسفة الحياه :
نمشى فى شارع الحياه .. مسالك وحارات ودروب .. بناخد معانا شوية افكار .. وشوية صحاب وشوية طموح ويا اما نوصل للطريق يا اما نقع زى كتير من الناس ما بيقع ..
بنعيش يوم حلو ويوم مر بس الشطاره اننا ناخد من اليوم المر حكمه نعيش بيها الايام الحلوه
وناخد من اليوم الحلو راحه نفسيه تقوينا على الايام المره اللى جايه
سواد ف سواااااااااااااد :
ايام غبره يا جدع مفيش شغل ومفيش جواز ومفيش فلوس ومفيش صداقه بجد ومفيش حب بجد ومفيش حريه ومفيش هوا نضيف ....
حاسسها ضلمه مش عارف ليه حاسس انى مش هوصل ومش هيكون فيا نفس يوصلنى اساسا حاسس انى هقع ف اى وقت وف اى لحظه ومش هلاقى اللى يسندنى ولا حتى هيبقى من حقى اقول ااااااااااااه زى باقى مخاليق الله ...
لحظة تفائل :
صدقنى حل اللى فات اللحظه دى لحظه تحس فيها بقيمتك وبأنك قادر على انك تعدى وتفوت فى الحديد بقلب حديد هتحس انك طاير فوق الهموم والجراح الكتير اللى ف حياتك .. هتحس انك بجد مختلف ف كل شىء .. ف احساسك بالناس واحساسك بقيمتك .. حتى ف احساسك بالظروف الملخبطه اللى حواليك ..
هتحس انك جديد
قادر تعيش حياتك بفلسفتك وحدك
وتخليها باللون اللى يناسبك
لونك
انتا
وبس
ادى فلسفتى
وفى انتظار ابداعاتكم الرائعه كالعاده
تقبلوا خالص تحياتى
- خــــــالــــ
موضوع: درس خصوصى 
الثلاثاء سبتمبر 30, 2008 9:46 pm